Aðalfundur 2025

Aðalfundur Félags austfirskra kvenna í Reykjavík verður haldinn í safnaðarsal Grensáskirkju mánudaginn 3. mars kl. 19:00.

Aðgangseyrir er kr. 6.500 og er greiddur við innganginn með peningum. Boðið verður upp á grillhlaðborð að hætti Grillvagnsins, líkt og í fyrra. Tvær tegundir af kjöti, meðlæti, gos og svo kaffi og sætt á eftir.

Á fundinum verður hattaþema en tekið skal fram að það er valkvætt að mæta með hatt :-). Hver kemur eins og hann helst vill til fundar en þær sem eru í hattastuði eru hvattar til að láta vaða.

Skráning er skilyrði fyrir mætingu. Hægt er að smella á skráningarhlekkinn hér fyrir neðan og skrá sig eða með því að hringja í Oddnýju Völu í 8611695 eða Herdísi 8923731:

Skráningarform á aðalfund 2025.

Dagskrá:

Kl. 19:00 Formaður setur fund og skýrir fyrirkomulag.

Skemmtiatriði.

Kl. 19:30 Grillhlaðborð frá Grillvagninum

Kl. 20:00 Kaffi og sætt - Aðalfundarstörf halda áfram:

- Fundarstjóri og fundarritari kjörnir

- Skýrsla stjórnar

- Reikningar félagsins kynntir og bornir upp til samþykktar

- Tillögur stjórnar lagðar fram til afgreiðslu (ath! tenglar á skjöl í texta):

• Árgjald 2025

• Ákvörðun um styrkveitingar

- Kosning stjórnar

Kosið er um formann sérstaklega og 6 meðstjórnendur til eins árs.

Allar félagskonur geta boðið sig fram til stjórnarstarfa en óskað er eftir því að upplýsingar um ný framboð berist til formanns félagsins í síðasta lagi 24. febrúar.

Sex af sjö í stjórn félagsins hyggjast bjóða sig aftur fram til stjórnarstarfa, þar á meðal formaður félagsins.

- Kosning 2ja skoðunarmanna reikninga

- Önnur mál

Kl. 21:00 Áætluð fundarslit.

Við tekur spjall og gaman fram eftir kvöldi.

Við hvetjum félagskonur og aðrar áhugasamar til að mæta á aðalfundinn.

Hlökkum mikið til að sjá ykkur og eiga með ykkur góða stund!

Stjórnin