Jólafundurinn er framundan!

Þá er jólafundur félagsins framundan en hann verður haldinn í safnaðarheimili Grensáskirkju mánudaginn 4. desember nk. kl. 20.

Við vekjum athygli á því að gengið er inn um aðaldyr kirkjunnar.

Dagskrá fundarins er sérlega spennandi.

Boðið verður upp á hugvekju, söng/tónlist, upplestur og jólahappdrætti. Betra gerist það nú varla :-).

Guðný Sölva ætlar að sjá um að hita súkkulaði handa þeim sem það vilja og boðið verður upp á smákökur, randalín og sitthvað fleira góðmeti.

Aðgangseyrir er kr. 2.000 og við minnum á að það verður ekki posi á staðnum. Eins er vert að minna á að það sama gildir um kaup á jólahappdrættismiðum.

Allur ágóði af sölu happdrættismiða rennur til félagsins og eykur svigrúm þess til að styrkja góð málefni. Vinningarnir eru flottir og fjölbreyttir. Vonandi verður lukkan svo með í för hjá sem flestum.

Við hlökkum mikið til að sjá ykkur á fundinum! Verið velkomnar!