Septemberfundur framundan!

Nú rúllum við hauststarfinu af stað í Félagi austfirskra kvenna í Reykjavík, með kaffifundi septembermánaðar mánudaginn 2. september kl. 20 í safnaðarheimili Grensáskirkju.

Á fundinum verður farið yfir félagsstarfið fram að jólum og spjallað yfir girnilegum kaffiveitingum. Eitthvað verður líka dregið upp úr pokahorninu, til skemmtunar og/eða fræðslu.

Sem fyrr þá kostar 2.000 kr. inn á fundinn (hægt að greiða með peningum eða millifæra). Stjórnin hefur ákveðið að leggja til við fundinn að öll innkoma þessa fundar verði lögð inn á söfnunarreikning fyrir Jónínu Hörpu Njálsdóttur og fjölskyldu á Neskaupstað, þeim til stuðnings í kjölfar mikilla áfalla sem yfir þau hafa dunið undanfarna mánuði. Tengsl fjölskyldunnar liggja víða um Austurland og hafa atburðirnir snert marga.

Hlökkum til að hitta ykkur 2. september nk.

Stjórnin